Azərbaycan

Azərbaycan Respublikasının Prezidenti

İlham Heydər oğlu Əliyev

Maddə 8. Azərbaycan dövlətinin başçısı.
      1. Azərbaycan dövlətinin başçısı Azərbaycan Respublikasının Prezidentidir. O, ölkənin daxilində və xarici münasibətlərdə Azərbaycan dövlətini təmsil edir.
     2. Azərbaycan Respublikasının Prezidenti Azərbaycan xalqının vahidliyini təcəssüm etdirir və Azərbaycan dövlətçiliyinin varisliyini təmin edir.
     3. Azərbaycan Respublikasının Prezidenti Azərbaycan dövlətinin müstəqilliyinin, ərazi bütövlüyünün və Azərbaycan Respublikasının tərəfdar çıxdığı beynəlxalq müqavilələrə riayət olunmasının təminatçısıdır.
     4. Azərbaycan Respublikasının Prezidenti məhkəmə hakimiyyətinin müstəqilliyinin təminatçısıdır.

     (Azərbaycan Respublikasının Konstitusiyasından)

Tərcümeyi-hal

     İlham Heydər oğlu ƏLİYEV 24 dekabr 1961-ci ildə Bakı şəhərində anadan olub.
     Orta təhsilini 1967-77-ci illərdə Bakı şəhərində alıb.
     Məktəbi bitirdikdən sonra 1977-ci ildə Moskva Dövlət Beynəlxalq Münasibətlər İnstitutuna (MDBMİ) qəbul olub.
     MDBMİ-nu bitirdikdən sonra, 1982-ci ildə onun Beynəlxalq Münasibətlər kafedrasının aspiranturasına daxil olub.
     Aspirantura təhsilini bitirdikdən sonra, 1985-ci ildə Tarix və Beynəlxalq Münasibətlər üzrə magistr dərəcəsini alıb.
     1985-90-cı illərdə Moskva Dövlət Beynəlxalq Münasibətlər İnstitutunun Beynəlxalq Münasibətlər kafedrasında müəllim işləyib..
     1991-94-cü illərdə Moskva və İstanbulda kommersiya fəaliyyəti ilə məş�ul olub.
     1994-cü ilin may ayından etibarən Azərbaycan Respublikası Dövlət Neft şirkətinin I-ci vitse-prezidentidir.
     1995 və 2000-ci il parlament seçkilərində Azərbaycan Respublikası Milli Məclisinə millət vəkili seçilib.
     1999-cu ilin dekabr ayında Yeni Azərbaycan Partiyasının sədr müavini, 2001-ci ildə isə sədrin I-ci müavini seçilibdir.
     1997-ci ildən etibarən Azərbaycan Milli Olimpiya Komitəsinin prezidentidir.
     2003-cü ilin yanvar ayında Avropa şurası Parlament Assambleyası sədrinin müavini və Büro üzvü seçilmişdir.
     2003-cü il 04 avqust tarixində Milli Məclisinin qərarı ilə Azərbaycan Respublikasının baş naziri vəzifəsinə təyin edilmişdir.
     2003-cü il oktyabrın 15-də keçirilmiş seçkilərdə Azərbaycan Respublikasının Prezidenti seçilmişdir.
     Azərbaycan, Rus, İngilis və Fransız dillərini mükəmməl bilir.
     Evlidir. İki qızı və bir oğlu var.